Në rastet e zgjidhjes së martesës me marrëveshje e pëlqim paraprak e gjithë procedura gjyqësore fillon me paraqitjen e një kërkese të përbashkët të të dy bashkëshortëve të përfaqësuar nga ne së bashku dhe me detajet e rëna dakord.

Në rastet me kërkesën e vetëm njërës palë, duhen provuar shkaqe të ndryshme si grindjet, keqkuptimet, dhuna apo cdo shkak tjetër që konsiderohet i nevojshëm për zgjidhjen e martesës. Seanca e parë gjygjësore konsiston në seancën e pajtimit nëse mardhënia mes palëvë mund të përmirësohet dhe më pas kalohet në fazat e tjera.Ky rast fatkeqësisht është më i hasuri në vendin tonë.

Rasti tjetër konsiston në jetesën në distancë të ciftit, në afat minimalisht 3 vjecar ku pala që kërkon zgjidhjen e martesës duhet të paraqesë në gjykatë kërkesë padinë në mënyrë që të shqyrtohet nga ana e gjykatës e më pas të vijohet me procesin.

Shumë nga aspektet procedurale përkatëse si dhe prova themelore në një mori gjykimesh nuk vlerësohen shpesh në formën e duhur nga trupat gjyqësore, ç’ka sjell si pasojë veprime apo vendime të marra në kundërshtim me ligjin, të cilat penalizojnë padrejtësisht palët në proces.

Gjithashtu pas divorcit, ish-bashkëshortëve, u duhet të zgjidhin një sërë problemesh të tjera me të tjera kosto si: problemin e pjesëtimit te pasurisë mes tyre, autorizimet për të lëvizur jashtë vendit me fëmijët etj.