Problematika që ngrihet në ankesat e qytetarëve lidhur me sigurimet shoqërore vijojnë të jenë prezente.

Ankesa janë të lidhura me masën e përfitimit të pensionit të pleqërisë, mosnjohjen e vjetërsisë në punë, mosdhënien e invaliditetit nga Komisionet Mjekësore të Caktimit të Aftësisë për Punë, mospërfitimin e shtesave të pensionit të pleqërisë, mosnjohjen si periudhë sigurimi të viteve të dënimit me burg jo politik, mosmarrje përgjigje për kërkesat për rishqyrtim të pensionit të pleqërisë apo dhe të shqyrtimit të kërkesave ankimore ndaj vendimeve të Degëve te Përfitimeve pranë Drejtorive Rajonale të Sigurimeve Shoqërore.

Por ankuesit kryesisht për shkak të mosnjohjes së ligjit përkatës nuk kanë konsumuar shkallët e ankimit administrativ në Komisionet e Apelit pranë Drejtorive Rajonale të Sigurimeve Shoqërore si dhe në Komisionin Qendror të Apelit pranë Institutit të Sigurimeve Shoqërore. Gjithashtu dhe kur qytetarët janë interesuar pranë Drejtorive Rajonale të Sigurimeve Shoqërore ata kanë marrë përgjithësisht përgjigje në mënyrë verbale dhe jo shkresore, duke mos u qartësuar për kërkesat e tyre dhe duke mos krijuar një bazë për cështjen e tyre ligjore.

Në këto raste ndihma juridike e avokateve tona pranë Zyrës së Avokatisë Ceci Corp ka qënë e favorshme duke i dhënë mundësinë qytetarëve përfitimin e të drejtave të tyre të mohuara prej kohësh.