Përvecëse konsulencës ligjore ne ofrojmë përplim të kërkesave fillestare, përfaqësim të klientëve përpara të gjitha organeve dhe autoriteteve përkatëse, Prokurorisë, Gjykatës etj si dhe ankimim të vendimeve që ndërmerr organi i akuzës duke paraqitur prova në favor të personave të ndaluar.
Gjithashtu zyra jone e avokatisë ju përfaqëson denjësisht në cështjet që lidhen me kërkesat për falje, uljen e dënimit, lirimit me kusht apo ekstradimin e transferimin e të dënuarve.

Por cili është procesi që ndjek përgjithësisht cështja penale?

Fillimisht kemi të bëjmë me ndjekjen penale, kryerjen e hetimeve dhe ngritjen e akuzës nga prokuroria.
Nisja e hetimit nis gjithmonë me mbikëqyrjen e prokurorisë kryesisht ose me kërkesë të viktimës.
Ndjekja penale, kryerja e hetimeve dhe ngritja e akuzës për një vepër penale në gjykatë është në kompetencë të organit të akuzës, prokurorisë, përveç rasteve kur akuzues është i dëmtuari akuzues për disa vepra të posaçme me rrezikshmëri të ulët.
Prokuroria merr dijeni për veprën penale me iniciativën e vet, me njoftimin nga policia ose dhe me njoftimin e bërë nga të tjerët.

 Në përfundim të hetimeve prokurori vendos të mos fillohet me procedimin, të pushojë hetimi mbi cështjen, kërkon pushimit të akuzës/cështjes ose dërgim të cështjes në gjygj. Pas mbarimit të seancës gjygjësore dhe shqyrtimit të cështjes gjykata merr vendimin përkatës i cili mund të ankimohet nga ne në Gjykatën e Apelit ose Rekurs në Gjykatën e Lartë.